昨日焦點係財爺預算案，最有興趣莫過個名起得夠晒「前衞」的未來基金。曾財爺爆響口，話回報會畀金管局管理的外匯基金為高，呢吓反手抽擊，打得金管局陳德霖「應一應」。
投資回報講就兇狠
話說上個月，外匯基金發表一四年投資成績表，回報率得1.4%，已經畀人笑衰過散戶，甚至盈富基金（2800.HK），就算金管局將全部錢乜都唔做推落去買美國十年債，回報都唔止呢條數咁話，每年出糧九百幾萬的陳總「火羅」到爆。話說回來，舊年唔單只金管局投資表現肉酸，散戶以為叻叻的對沖基金，八成以上都交唔到功課，大家熟悉的國家主權基金，出名如淡馬錫，一四年三月底止年度回報僅得1.5%，同過去十年複合年回報近9%相比，都水瓜打狗唔見一截。
即使股神巴菲特都唔敢話年年可以跑贏個市，至於 任內年年預算年年估錯的曾財爺，憑乜話未來基金表現一定好過外匯基金呢？在下就覺得甚有寶藥黨feel，講到尾，氹咗市民落疊先，到時唔夠數又係另一回事。
做每項投資，要知道自己是跑贏大市還是跑輸大市，最重要是跟標竿(Benchmark)作比較。恒生指數是香港股市價格的重要指標，由50隻成份股市值計算出來，代表了香港交易所所有上市公司的12個月平均市值涵蓋率的63%，所以用恆生指數的走勢便可得出股市整體回報率。
購買基金需支付各種費用，而且它會直接影響投資回報率。所以在投資基金前，不妨考慮巴菲特的建議：
股神巴菲特曾在給巴郡股東的信中寫道：「我給信託人下了一個很簡單的指示，拿10%現金去買短年期政府債券，餘下的90%用來買超低成本的標普500指數基金。信託基金若能採用此策略，長線回報必定可以跑贏大部分退休基金、機構或個人投資者，特別是那些用高薪厚祿去僱用星級基金經理的投資者。」
不少香港人都會購買基金作投資首選，雖然它是由專業的基金經理管理，取得略高於標竿的投資回報，但在扣除基金管理費、基金贖回費後，就變得比標竿回報低。這倒不如直接購買盈富基金(2800.HK)作被動投資，又可以跟大市同步。
0